خيانة ملك

موضوع: ~~خيانة ملك ~~ الإثنين فبراير 08, 2010 1:49 pm

قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني.. أسألك
لا تنصدم من عزلتي .. حالي كما أبو العلاء
عندي سبب .. ما تستحق إنِّي أجيك و أوصلك
ولا تعتبر جمر الحكي من شاعرك.. يعني هجاء
لو كنت بهجي حضرتك ما خفت منِّك .. قلت لك !
هذي القصيده وصنفة في دفتري... قصة رثاء
حبٍ يموت وتنولد .. وحبٍ يعيش ويقتلك !
ناديت لك ياما .. ولا لبِّيت لي حتى النداء !
مبحوح صوتي والصدى من كثر ما ناديت لك !
أقرب من ثيابي علي... وأبعد من نجوم السماء
ورغم إبتعادك والتعب ..أرسم طموح ..وأمهلك ..
ما كنت لي الداء؟ وأنا ما كنت لـ جروحك .. دواء
ما عشت في دنياي لي !!عايش ولكن.. عشت لك
علمتك القلب الوفي .. ما يخذلك فيه إنتماء
وعلمتني كيف العشم في من تحبه .. يخذلك !!
علمتك إن أصل الهوى يرجع لـ كلمة .. إحتواء
وعلمتني إن الهوى .. ما عاش يوم بـ داخلك !
علمتك إنِّي لك بحر .. مدَّه وجزره .. لك وفاء
وعلمتني كيف أنصدم وأغرق أنا في ..ساحلك
ما تستحي ودامك كذا.. إفعل حبيبي ما تشاء
توِّي عرفت إنِّي كثر ما اعرفك .. كنت أجهلك
ما كان قلبي بس لك.. يالاعب ادوار الدهاء
وما كنت لك أقرب من أنفاسك.. وأقرب من هلك
ما عاد تفرق غيبتك أو رجعتك .. عندي سواء
كنت إهتمامي ورغبتي .. والحين دوري أهملك
لا صار قلبي لك وطن .. أبسألك.. وين الولاء
وشلون حال المملكه ؟ .. دام الخيانه من ( ملك )
إن كنت جاهل لعبتك.. قلبي.. وما فيها ذكاء
حتى الطفل إن جبت له لعبه .. ولائه صار لك
قبل أنتهي عندي أمر ..ماهو طلب وإلا رجاء ..
لايشغلك ماضي إنتهى .. ركِّز علـى.. مستقبلك

~~خيانة ملك ~~

خيانة ملك